റിട്ട. അധ്യാപകനെ വെന്തുമരിച്ച നിലയിൽ കണ്ടെത്തി; കൃഷിക്കായി നിലം ഒരുക്കാൻ തീയിടുന്നതിനിടെ പടർന്നതെന്ന് സൂചന

കോട്ടയം: കൃഷിക്കായി പുരയിടം തീയിട്ട് ഒരുക്കുന്നതിനിടെ തീപിടിച്ച് അധ്യാപകന്‍ വെന്തുമരിച്ചു. പൂവത്തോട് പൊരിയത്ത് ബേബി സെബാസ്റ്റ്യന്‍ (70) ആണ് മരിച്ചത്. ചൊവ്വാഴ്ച ഉച്ചയോടെയായിരുന്നു സംഭവം.

രാവിലെ തോട്ടത്തിലെത്തിയ ബേബി സെബാസ്റ്റ്യന്‍ കൃഷിക്കായി സ്ഥലമൊരുക്കാന്‍ തീയിടുകയായിരുന്നു. ഉച്ചയോടെ തീയും പുകയും ഉയരുന്നത് കണ്ട നാട്ടുകാര്‍ ഫയര്‍ഫോഴ്‌സിനെ വിവരം അറിയിച്ചു. തുടര്‍ന്ന് ഫയര്‍ഫോഴ്‌സ് സ്ഥലത്തെത്തി തീ അണയ്ക്കുന്നതിനിടെയാണ് ബേബി സെബാസ്റ്റ്യനെ പറമ്പില്‍ മരിച്ച നിലയില്‍ കണ്ടെത്തിയത്.

Content Highlights: Farmer caught fire and died in kottayam